Na mwandishi wetu
Uongozi wa CCm Wilaya ya Dodoma leo umekamilisha kuwafikia idadi ya Mabalozi wote 2242 wa Jimbo la Dodoma Mjini lenye kata 41 na mitaa 223 kwa kukutana na mabalozi wa Tarafa ya Zuzu kutoka kata za Chigongwe,Nala,Mbalawala,Mbambala,Zuzu,Matumbulu na Mpunguzi.
Mikutano hii ni mfululizo wa mikutano inayoongozwa na Mwenyekiti wa CCM Wilaya *Cde. Charles Mamba* ya kukutana na mabalozi wote wa Dodoma Mjini kwa lengo la kuwajengea uwezo na kutoa hamasa ya wanaCCM kushiriki kwa wingi kwenye uchaguzi wa serikali za mitaa.
“Tumezungumza pamoja na kuelewana vizuri na mabalozi wetu,na wapo tayari kukamilisha ushindi wa kishindo wa CCM.
Hili ndio Jesho kubwa la CCM tukutane Tarehe 27.11.2024 kwenye uchaguzi ambao naamini CCM itafanya vizuri sana kwa kuwa tumejipanga na kujiandaa vizuri“Alisema Mamba
Naye Mbunge wa Jimbo la Dodoma Mjini *Mh. Anthony Mavunde* amewapongeza mabalozi kwa kazi nzuri ya hamasha wakati wa kujiandikisha kwenye daftari la mkazi na kuwaomba kufanya vizuri zaidi kuhamasisha watu wajitokeze na kuichagua CCM.
Katibi wa CCM wilaya ya Dodoma Mjini *Ndg. Sofia Kibaba* amewataka mabalozi wote kuzingatia taratibu zote za uchaguzi na kuhakikisha wanaongoza ubalozi wao kupiga kura mapema kabisa.
0 Comments