Maji yenye oili chafu ya zua vilio Kata ya Mnyamani

 

Na mwandishi wetu

WANANCHI wa Mtaa wa Faru, Kata ya Mnyamani, wilayani Ilala, jijini Dar es Salaam, wameiomba serikali  kuwapa msaada wa dharura baada ya maji ya mvua yenye oili chafu  kufurika katika nyumba zao na kuharibu mali.

Wakizungumza  katika eneo hilo, wananchi hao wamesema adha hiyo imechangiwa na mndarasi anayejenga Babara ya Faru , kuto kuweka mifareji hivyo kufanya maji mengi ya  mvua iliyonyesha alfajiri ya leo kuongoia katika nyumba zao na kuwaletea adha kubwa.

Mkazi wa eneo hilo, Lilian Mwakatuma, alisema jana mkandarasi anayejenga Barabara ya Faru alimwaga oili chafu  katika barabara hiyo  lakini baada ya mvua kunyesha maji yaliyochanganyika na mafuta hayo vilingia ndani na kusababisha uharibifu mkubwa wa mali zao.

“Chakula kimeharibika, vyombo vya ndani, vitanda, magodoro, vyombo vya jikoni vyote vimetapakaa mafuta.  Tunaomba  msaada wa dharula kwa sababu hata magodoro yamelowa,”amesema Liliani.

Diwani wa Kata hiyo Shukuru Dege, amethibitisha kutokea kwa tukio hilo na kwamba  tayari wamewasiliana na Mkandarasi Kampuni ya Southern Link kuchukua hatua za kufyonza huku wakiwasiliana na kitengo cha maafa kwa hatua zaidi.