MWENYEKITI UVCCM KAGERA AKABIDHI MIFUKO 10 YA SARUJI KWENYE UJENZI WA NYUMBA YA FAMILIA ILIYOPOTEZA WATOTO WAWILI KWA JANGA LA MOTO

 

📍Kemondo_Kagera

Mwenyekiti wa UVCCM Mkoa wa Kagera  ndugu *Faris Buruhani, amekabidhi mifuko 10 ya Saruji* kwa bwana John Pascrates aliyepoteza watoto wake wawili, kwa ajali ya moto iliyoteketeza nyumba yake usiku wa kuamkia tarehe 24/07/2024 katika kitongoji cha Mubembe.

Akizungumza katika eneo hilo, ndugu Faris ameipa pole familia ya John Pascrates kwa kupoteza watoto wao wawili katika ajali hiyo ya moto, huku akitoa rai kwa wanajamii wote kuacha tabia ya kutumia nishati ya kuni kupikia kwenye nyumba zao na badala yake kuwa na utaratibu wa kujenga majiko mbadala nje ya nyumba zao.

Aidha, ndugu Faris amewapongeza vijana wa CCM katika tawi la Nyakibanga na kata ya Kemondo kwa kutoa muda wao, nguvu zao na mali zao kuifariji familia hiyo tangu ilipokumbwa na kadhia hiyo na hasa tendo la huruma la kuijengea familia hiyo nyumba ya kuishi baada ya nyumba yao waliyokuwa wanaishi kuteketea katika ajali hiyo ya moto.

Naye ndugu John Pascrates amemshukuru Mwenyekiti wa UVCCM Mkoa wa Kagera, kwa kuendelea kuwa kielelezo chema katika jamii ya wana Kagera, hasa kwa namna anavyojitoa kushirikiana na wanajamii katika shida na katika raha, na zaidi akawashukuru vijana wa CCM kwa kumjengea nyumba na kuahidi kuendeleza ushirikiano huo waliouonyesha kwake.

_*HERI MKONO UTOAO KULIKO UPOKEAO, MAANA KUNA BARAKA NYINGI KATIKA KUTOA🙏