RAIS MWINYI:SEKTA YA UJENZI IMETEKELEZA MIRADI MINGI NCHINI

 

*RAIS MWINYI:SEKTA YA UJENZI  IMETEKELEZA MIRADI MINGI NCHINI*

Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi  amefahamisha kuwa  Sekta ya Ujenzi ni miongoni mwa Sekta iliofanya vizuri katika Utekelezaji wa Majukumu yake  kwa  Kazi nzuri  ya Ujenzi wa Madaraja, Barabara katika maeneo mbalimbali  ya Nchi. 

Rais Dk.Mwinyi ameyasema hayo alipoweka jiwe la Msingi la Barabara  ya Kizimbani -Kiboje Wilaya ya Kati,Mkoa wa Kusini Unguja yenye Urefu wa Kilomita 7.225  iliojengwa kwa Kiwango cha lami.

Aidha Rais Dk.Mwinyi amefahamisha kuwa  ni vema kwa Wananchi  kutojenga katika eneo la Hifadhi ya Barabara ili libaki kwa Shughuli nyengine za kijamii ikiwemo  kupitisha Miundombinu mengine ikiwemo Maji, Umeme  na Mawasiliano .

Vilevile  Rais Dk.Mwinyi amewasisitiza Wananchi wanaoishi Pembezoni mwa Barabara ya  Kizimbani - Kiboje kufuata  Sheria na  kutojenga katika Eneo la Hifadhi ya Barabara hiyo.

Rais Dk.Mwinyi  amesifu Kazi Nzuri iliofanywa  na  Wizara ya Ujenzi, Mawasiliano na Uchukuzi, Mshauri Elekezi na Kampuni ya  CCECC  kwa kusimamia Ujenzi huo  aliouelezea kuwa  na  Ubora na Viwango stahiki vya Barabara za Kisasa.

Kwa upande mwingine Rais Dk.Mwinyi  amewanasihi Wananchi  Kuendelea  kuishi Kwa Amani na Umoja  ili Nchi  iendelee kutekeleza Miradi ya  Maendeleo zaidi.