DK.MWINYI AHIMIZA UMOJA KWA WANA CCM ZANZIBAR, AAGIZA KAMATI ZA MAADILI KUFANYA KAZI ZAKE

 

Na mwandishi wetu 

Rais Dkt Hussein Mwinyi ameongoza kikao cha chama cha mapindunzi leo Jumamosi 06 Mei 2023 katikaUkumbi wa Picadilly, Mkoa wa Mjini Magharibi.

Makamu Mwenyekiti wa Chama Cha Mapinduzi (CCM) Zanzibar, Rais wa Zanzibar na Mwenyekiti wa Baraza la Mapinduzi DK. Hussein Ali Mwinyi amesema mara tu baada ya uchaguzi kumalizika, ni muhimu kwa Chama na Wanachama kujenga umoja, kwa kuondoa makundi yote na kushirikiana kwa pamoja. Wale ambao wanaendelea kukiuka taratibu na kuchangia kuwepo kwa makundi wanapaswa kuitwa na kuchukuliwa hatua na kamati za maadili ili kuhakikisha nidhamu na mshikamano ndani ya chama.

Dk. Mwinyi ameyasema hayo leo katika mkutano wa viongozi  wa CCM ngazi ya Shina , Majimbo , Wilaya na Mkoa katika ziara yake  ya kukiimarisha chama na kutembelea miradi mbalimbali   ukumbi wa Picadilly, Kombeni, Wilaya ya Magharibi B, Mkoa wa Mjini Magharibi.