WIZARA TATU ZAJADILI HALI YA UZALISHAJI CHUMVI NCHINI

 

*DODOMA*

Wizara ya Madini kwa kushirikiana na Wizara ya Mipango na Uwekezaji pamoja  na Wizara ya Viwanda na Biashara  zimekutana kujadili namna ya kuondoa changamoto katika sekta ndogo ya chumvi nchini.

Wizara hizo zimekutana leo Agosti 15 , 2024 jijini Dodoma kufuatia  taarifa zilizowasilishwa kwa Serikali na Chama cha Wazalishaji Chumvi Tanzania (TASPA) kuhusu changamoto zinazoikabili sekta hiyo ndogo ya chumvi ikiwemo kudorora kwa biashara ya chumvi hapa nchini.

Kikao hicho kilijumuisha Waziri wa Viwanda na Biashara *Dkt. Suleiman Jaffo* ,Waziri Wa Nchi Ofisi ya Rais Mipango na Uwekezaji *Mh. Prof. Kitila Mkumbo* na Waziri wa Madini *Mh. Anthony Mavunde* pamoja na Wadau wa Chumvi Nchini.

Pamoja na mambo mengine yaliyojadiliwa,Wizara ya Madini kupitia *STAMICO* imewahakikishia wadau juu ya ufungwaji wa kiwanda cha kusindika Chumvi katika Wilaya ya Kilwa,Mkoa wa Lindi kabla ya Mwisho wa Mwezi Desemba 2024.