Na mwandishi wetu
-Asema pesa hiyo inakwenda kuanzisha mfuko maalumu wa wasanii wa sanaa ya uigizaji kama namna ya kumuenzi Marehemu Grace Mapunda (TESSA)
-Aitaka jamii kutumia pesa wanazopata kuleta nuru na faraja kwa watu.
Mkuu wa Mkoa wa Dar es Salaam Mhe Albert Chalamila leo Novemba 4, 2024 ameongoza mamia ya wakazi wa mkoa huo wakiwemo makundi mbalimbali ya wasanii kuaga mwili wa Grace Mapunda maarufu kwa jina la TESSA wa HUBA katika viwanja vya Leaders Club Kinondoni.
RC Chalamila akitoa salamu za Mkoa amesema kuwa anatambua juhudi kubwa zinazofanywa na Mhe Rais Dkt Samia Suluhu Hassani katika tasnia ya sanaa hapa nchini ambapo uwekezaji mkubwa ameufanya kwa kuanzisha mfuko wa wasanii kwa ujumla wake.
Hivyo kwa kuunga mkono juhudi hizo RC Chalamila ametoa milioni 15 kwa ajili ya kuanzisha mfuko wa wasanii wa sanaa za uigizaji ambapo wadau wengi wamefurahishwa na hatua hiyo na kuahidi kuendelea kuchangia mfuko huo akiwemo Steve Nyerere, Haji Manara pamoja na Shafii Dauda.
Aidha RC Chalamila ametoa rai kwa jamii kutumia pesa wanazopata kuleta nuru na faraja kwa watu, kurejesha umoja na amani pia kuokoa maisha ya watu.
Mwisho Mhe Mkuu wa Mkoa amewataka wasanii kuendelea kuyaenzi maisha ya Grace Mapunda na kumtaka kiongozi wa wasanii ndani ya wiki mbili kuanzia leo wakutane ofisini kwake kufanya mazungumzo kwa maslahi mapana ya tasnia hiyo.
0 Comments