RC CHALAMILA ATOA POLE KWA FAMILIA YA BW LAWRENCE MAFURU

 

Na mwandishi wetu

Mkuu wa Mkoa wa Dar es Salaam Mhe Albert Chalamila leo Novemba 13, 2024 akiwa ameambatana na Katibu Tawala wa Mkoa Dkt Toba Nguvila pamoja na Kamanda wa Kanda Maalumu Afande Jumanne Muliro, amefika na kutoa pole kwa familia ya Bwana Lawrence Mafuru aliyefariki   Dunia Novemba 09, 2024 wakati akipatiwa matibabu katika Hospitali ya Apollo Nchini India.

RC Chalamila akiongea na vyombo vya habari nyumbani kwa Marehemu Bwana Lawrence Mafuru Bunju A, Wilaya ya Kinondoni amemfariji Mke wa Marehemu, Ndugu Jamaa na marafiki kwa kufikwa na msiba huo mzito ambapo amesema " Namna pekee ya kumuenzi Mafuru ni kufanya kazi kwa weledi mkubwa kwa masilahi mapana ya Taifa na watu wake"

Vilevile RC Chalamila amesema yeye binafsi anaendelea kumuombea kwa mwenyezi Mungu aipumzishe roho ya Marehemu mahala pema peponi.